tvdvzm11 Photo: Sreekanth (16)vizhinjam വിഴിഞ്ഞം: സഹോദരങ്ങളോടൊപ്പം മുല്ലൂർ കടപ്പുറത്ത് കുളിക്കാനിറങ്ങി തിരയിൽപെട്ട് കാണാതായ 16കാരെൻറ മൃതദേഹം കണ്ടെത്തി. വിഴിഞ്ഞം മുല്ലൂർ ചരുവിള പുത്തൻവീട്ടിൽ കുമാർ-കല ദമ്പതികളുടെ മകൻ ശ്രീകാന്തിെൻറ മൃതദേഹമാണ് കണ്ടെത്തിയത്. ഇന്നലെ പുലർച്ചയോടെ വിഴിഞ്ഞത്തുനിന്ന് മത്സ്യബന്ധനത്തിനുപോയ തൊഴിലാളികളാണ് ശ്രീകാന്തിനെ കാണാതായ തീരത്തുനിന്ന് 300 മീറ്റർ ഉള്ളിലായി മൃതദേഹം കണ്ടെത്തിയത്. കഴിഞ്ഞ ഞായറാഴ്ച വൈകീട്ട് നാലു മണിയോടെ സഹോദരങ്ങളായ ശ്രീജിത്ത്, കൃഷ്ണകാന്ത്, മിഥുൻ, സുഹൃത്തായ അനന്തകൃഷ്ണൻ എന്നിവരോടൊപ്പം തോട്ടം നാഗർ ക്ഷേത്രത്തിന് താഴെ എത്തിയ സംഘം ഒന്നിച്ച് അന്താരാഷ്ട്ര തുറമുഖ നിർമാണ സ്ഥലത്തിനു സമീപത്തെ കടലിൽ കുളിക്കാനിറങ്ങിയപ്പോഴാണ് അപകടത്തിൽപെട്ടത്. ശക്തമായ തിരയിൽപെട്ട ശ്രീകാന്തിനെ കാണാതാവുകയായിരുന്നു. മറ്റുള്ളവർ നീന്തി രക്ഷപ്പെട്ടു. കോസ്റ്റൽ പൊലീസ് കഴിഞ്ഞ രണ്ടു ദിവസമായി കടലിൽ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല. പോസ്റ്റ്മോർട്ടത്തിനുശേഷം ഇന്നലെ ഉച്ചയോടെ ബന്ധുക്കൾക്ക് വിട്ടുകൊടുത്ത മൃതദേഹം സംസ്കരിച്ചു. ഫോട്ടോ - ശ്രീകാന്ത്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.