കോവളം: കഞ്ചാവ് വിൽപന, മോഷണം ഉൾപ്പെടെ നിരവധി കേസുകളിലെ പ്രതി അറസ്റ്റിൽ. വലിയതുറ കുഴിവിളാകത്ത് നീതു ഹൗസിൽ നിതിൻ അലക്സാണ് (30) അറസ്റ്റിലായത്. വാഴമുട്ടം ഹൈസ്കൂൾ പരിസരത്ത് നിന്നാണ് പിടിയിലായത്. നിരവധി മോഷണക്കേസിൽ പ്രതിയായ ഇയാൾ സ്കൂൾ കുട്ടികൾക്കും കോവളത്തെത്തുന്ന വിനോദസഞ്ചാരികൾക്കും പതിവായി കഞ്ചാവ് വിൽപന നടത്താറുണ്ടെന്ന് കോവളം പൊലീസ് പറഞ്ഞു. കച്ചവടത്തിനായി ചെറുപൊതികളായി സൂക്ഷിച്ചിരുന്ന കഞ്ചാവും ഇയാളിൽനിന്ന് പിടികൂടി. എസ്.ഐ അജിത്ത്കുമാർ, ഉമേഷ്, സത്യൻ, പൊലീസുകാരായ ഷിജു, രാജേഷ് ബാബു എന്നിവരടങ്ങിയ സംഘമാണ് പിടികൂടിയത്. കഞ്ചാവ് കടത്തിലെ മറ്റ് കണ്ണികളെ കുറിച്ച് വിവരം ലഭിച്ചതായും കോവളം എസ്.ഐ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.