നേമം: ഒരാഴ്ചയായി കല്ലിയൂർ പഞ്ചായത്തിെൻറ വിവിധ മേഖലകളിൽ കുടിവെള്ളവിതരണം തടസ്സപ്പെട്ടതിനെ തുടർന്ന് പഞ്ചായത്ത് പ്രസിഡൻറിെൻറ നേതൃത്വത്തിൽ അംഗങ്ങളും നാട്ടുകാരും ചേർന്ന് പമ്പ് ഹൗസിന് മുന്നിൽ കുത്തിയിരുന്ന് പ്രതിഷേധിച്ചു. കാക്കാമൂല വെള്ളായണി കായലിന് സമീപം വ്യാഴാഴ്ച രാവിലെയായിരുന്നു പ്രതിഷേധം. പമ്പ് ഹൗസിലെ കത്തിപ്പോയ മോട്ടോറിെൻറ കേടുപാടുകൾ തീർക്കുക, ടാങ്കറുകളിൽ വെള്ളം എത്തിക്കാനുള്ള നടപടികൾ അടിയന്തരമായി ആരംഭിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധം. പ്രശ്നം ഉടൻ പരിഹരിക്കാമെന്ന ജല അതോറിറ്റി ഉദ്യോഗസ്ഥരുടെ ഉറപ്പിൽ ഉച്ചയോടെ സമരം അവസാനിച്ചു. വൈകീട്ട് ടാങ്കറുകളിൽ കുടിവെള്ളം എത്തിച്ചു. പഞ്ചായത്ത് പ്രസിഡൻറ് ആർ. രാജലക്ഷ്മി, ക്ഷേമകാര്യ സ്ഥിരം സമിതി അധ്യക്ഷൻ പത്മകുമാർ, പഞ്ചായത്ത് അംഗങ്ങളായ പാലപ്പൂർ ജയൻ, ടി. ജയൻ, രാജലക്ഷ്മി, സുജാത, നിന്ധു, മിനി, കിരൺ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.