ചവറ : ശക്തമായ മഴയെ തുടർന്ന് വീട്ടിനുള്ളിൽ വെള്ളം കയറിയതോടെ കുടുംബത്തിെൻറ ജീവിതം ദുരിതത്തൽ. കരിത്തുറ ഷീബാ മന്ദിരത്തിൽ ജയിംസ് സൈമണിെൻറ വീടിനുള്ളിലേക്കാണ് വെള്ളം കയറിയത്. വെള്ളക്കെട്ട് ഇല്ലാതിരുന്ന സ്ഥലമായിരുന്നു ഇവിടമെന്നും ഐ.ആർ.ഇയുടെ അശാസ്ത്രീയമായ ഖനനെത്തതുടർന്നാണ് പ്രദേശം വെള്ളക്കെട്ടിലായതെന്നും വീട്ടുകാർ ആരോപിച്ചു. വീട്ടിനുള്ളിൽ വെള്ളക്കെട്ടായ വിവരം കമ്പനി അധികൃതരെ അറിയിച്ചിട്ടും സംഭവം ഗൗരവമായി എടുത്തില്ലെന്നും വീട്ടുകാർ പറഞ്ഞു. ജയിംസ് സൈമണിെൻറ വീടിനു സമീപത്തെ മറ്റു നാല് വീടുകളും വെള്ളപ്പൊക്ക ഭീഷണിയിലാണ്. സംഭവമറിഞ്ഞ് കരുനാഗപ്പള്ളി തഹസിൽദാർ സാജിത ബീഗം, ചവറ വില്ലേജ് ഓഫിസർ എന്നിവർ സ്ഥലം സന്ദർശിച്ചു. വെള്ളക്കെട്ട് നീക്കാനുള്ള നടപടി അടിയന്തരമായി സ്വീകരിക്കാൻ ഐ.ആർ.ഇ കമ്പനി അധികൃതരോട് തഹസിൽദാർ നിർദ്ദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.