ചവറ: മോഷണശ്രമത്തിനിടെ നിരവധി മോഷണേക്കസുകളിലെ പ്രതി പിടിയിലായി. ചവറ അമ്മാച്ചൻകാവിന് സമീപമുള്ള ചെറുകുളം കോളനിയിൽ കൂരി എന്ന നിസാറാണ് (41) പിടിയിലായത്. ചൊവ്വാഴ്ച പുലർച്ചെ ഒന്നോടെ താന്നിമൂട് കുടുംബക്ഷേത്രത്തിന് സമീപം പെരുമ്പുഴ വീട്ടിൽ ബാബുധര കുരുക്കളുടെ വീട്ടിൽ മോഷണശ്രമം നടത്തുന്നതിനിടയിലാണ് പിടിയിലായത്. ചായ്പ്പിലൂടെ വീട്ടിനുള്ളിലേക്ക് കയറാൻ ശ്രമിക്കുന്നതിനിെട നിസാർ അവിടെയുണ്ടായിരുന്ന പാത്രങ്ങളുമായി നിലത്തുവീണു. ശബ്ദം കേട്ടുണർന്ന വീട്ടുകാരാണ് മോഷ്ടാവിനെ കണ്ടത്. തുടർന്ന് നാട്ടുകാർ പിന്തുടർന്നാണ് രക്ഷപ്പെടാൻ ശ്രമിച്ച നിസാറിനെ പിടികൂടി െപാലീസിൽ ഏൽപിച്ചത്. ചവറയിൽ മൂന്നും പള്ളിത്തോട്ടത്ത് രണ്ട് മോഷണക്കേസും ഇയാൾക്കെതിരെ ഉണ്ടെന്ന് പൊലീസ് പറഞ്ഞു. ചവറ പൊലീസ് സ്റ്റേഷനിലെ എസ്.ഐമാരായ ജയകുമാർ, സതീഷ് ശേഖർ, എ.എസ്.ഐ റഹീം എന്നിവരുടെ നേതൃത്വത്തിലാണ് നിസാറിനെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.