കുണ്ടറ: സ്കൂൾ കുട്ടികളുമായെത്തിയ സ്വകാര്യ ബസ് നിർത്തിയിട്ടിരുന്ന ടിപ്പർ ലോറിക്ക് പിന്നിലിടിച്ച് അഞ്ച് കുട്ടികൾക്ക് പരിക്കേറ്റു. മുക്കൂട് ഹെേബ്രാൺ ഇംഗ്ലീഷ് മീഡിയം സ്കൂളിലെ ബസാണ് അപകടത്തിൽപെട്ടത്. വ്യാഴാഴ്ച വൈകീട്ട് 3.15 ഓടെ മുളവന പേരയം സർവിസ് കോഒാപറേറ്റിവ് ബാങ്കിന് മുന്നിലായിരുന്നു അപകടം. തിർത്തിവിള പുത്തൻ വീട്ടിൽ ഏഴാംക്ലാസ് വിദ്യാർഥിനി ദേവനന്ദ, സഹോദരൻ മൂന്നാം ക്ലാസ് വിദ്യാർഥി ദേവദർശ്, ആറാം ക്ലാസ് വിദ്യാർഥി കാരുവെലിൽ വിജയഭവനത്തിൽ അഭിരാമി, രണ്ടാം ക്ലാസ് വിദ്യാർഥി കരിപ്പുറം എബിനാസിൽ എബിൻ, അഞ്ചാം ക്ലാസ് വിദ്യാർഥി പുത്തൻ നട നിതിൻ നിവാസിൽ എസ്. നിതിൻ എന്നിവർക്കാണ് പരിക്കേറ്റത്. ആരുടെയും പരിക്ക് ഗുരുതരമല്ല. എതിരെ വന്ന കെ.എസ്.ആർ.ടി.സി ബസിന് വശം കൊടുക്കവേ നിർത്തിയിട്ടിരുന്ന ടിപ്പർ ലോറിക്ക് പിന്നിൽ ഇടിക്കുകയായിരുന്നു. പരിക്കേറ്റ കുട്ടികൾക്ക് സ്വകാര്യ ആശുപത്രിയിൽ ചികിത്സ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.