കല്ലമ്പലം: നിത്യരോഗികളായ മാതാവിനും മകൾക്കും കെ.ടി.സി.ടി കോളജ് ഒാഫ് അഡ്വാൻസ്ഡ് സ്റ്റഡീസിലെ വിദ്യാർഥികൾ സാമ്പത്തിക സഹായമെത്തിച്ചു. ഇരുവൃക്കയും തകരാറിലായി ദുരിത ജീവിതം നയിക്കുകയാണ്. കരവാരം 17ാം വാർഡിൽ തട്ടാൻവിളാകത്ത് വീട്ടിൽ സുശീലയും മകൾ വീണനാഥിനുമുള്ളത്. വൃക്ക രോഗചികിത്സക്ക് വേണ്ട ചെലവുകൾ കെ.ടി.സി.ടി ആശുപത്രി സൗജന്യമായി നൽകുന്നുണ്ട്. ആഹാരത്തിനും മറ്റ് െചലവുകൾക്കും അയൽവാസികളാണ് സഹായിക്കുന്നത്. ഇവരുടെ അവസ്ഥ മനസ്സിലാക്കിയാണ് കെ.ടി.സി.ടി കോളജിലെ വിദ്യാർഥികൾ 25,000ത്തോളം രൂപ സ്വരൂപിച്ച് നൽകിയത്. കോളജ് ഡേക്കും മറ്റ് ആഘോഷങ്ങൾക്കും സംഘടിപ്പിച്ച തുകയാണ് വിദ്യാർഥികൾ നൽകിയത്. വീട് സന്ദർശിച്ച കെ.ടി.സി.ടി ചെയർമാൻ പി.ജെ. നഹാസ്, കോളജ് കൺവീനർ എ. അഫ്സൽ, ഡയറക്ടർ ഡോ. കമാലുദ്ദീൻ എന്നിവരുടെ നേതൃത്വത്തിൽ വിദ്യാർഥികൾ തുക കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.