കിളിമാനൂർ: ജില്ല പഞ്ചായത്ത് നടപ്പാക്കുന്ന സമ്പൂർണ ജലസുരക്ഷ പദ്ധതിയായ 'ജലശ്രീ'ക്ക് പള്ളിക്കൽ പഞ്ചായത്തിൽ തുടക്കമായി. ജില്ലയിൽ പദ്ധതി തുടങ്ങുന്ന ആദ്യ പഞ്ചായത്താണ് പള്ളിക്കലെന്ന് പ്രസിഡൻറ് അവകാശപ്പെട്ടു. കഴിഞ്ഞ ദിവസം പഞ്ചായത്തിൽ ചേർന്ന സംഘാടകസമിതി യോഗം പ്രസിഡൻറ് അടുക്കൂർ ഉണ്ണി ഉദ്ഘാടനം ചെയ്തു. വൈസ് പ്രസിഡൻറ് ഹസീന അധ്യക്ഷത വഹിച്ചു. പഞ്ചായത്ത് സ്ഥിരംസമിതി അധ്യക്ഷന്മാർ, അംഗങ്ങൾ, നിർവഹണ ഉദ്യോഗസ്ഥർ, സി.ഡി.എസ് അംഗങ്ങൾ, ആസൂത്രണ സമിതി അംഗങ്ങൾ എന്നിവർ പങ്കെടുത്തു. ചിത്രവിവരണം: പള്ളിക്കലിൽ നടന്ന 'ജലശ്രീ' പദ്ധതിയുടെ സംഘാടക സമിതി യോഗം അടുക്കൂർ ഉണ്ണി ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.