ചവറ: തെങ്ങ് ഒടിഞ്ഞ് വൈദ്യുതി ലൈനിലേക്ക് വീണതിനെ തുടർന്ന് നാല് പോസ്റ്റുകൾ തകർന്നു. പോസ്റ്റ് വീണ സമയം ഇവിടെ യാത്രക്കാരില്ലാതിരുന്നതിനാൽ വലിയ ദുരന്തം ഒഴിവായി. പൈപ്പ് റോഡിൽ തേവലക്കര നാത്തയ്യത്ത് ജങ്ഷന് സമീപം തുണ്ടിൽ കിഴക്കതിൽ ശിവപാലെൻറ വീട്ടിലെ തെങ്ങാണ് വ്യാഴാഴ്ച രാവിലെ 10.30ഓടെ പിഴുതുവീണത്. വിവരമറിഞ്ഞ് കെ.എസ്.ഇ.ബി തേവലക്കര എ.ഇ. രമ്യ, സബ് എൻജിനീയർ ഹരി എന്നിവർ സ്ഥലത്തെത്തി. അപകടത്തിൽ 30,000 രൂപയുടെ നഷ്ടമുള്ളതായി ഉദ്യോഗസ്ഥർ പറഞ്ഞു. വൈകീട്ടോടെയാണ് ഒടിഞ്ഞ പോസ്റ്റുകൾ നീക്കം ചെയ്ത് ലൈനുകൾ പുനഃസ്ഥാപിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.