നേമം: അവിശ്വാസത്തിനൊടുവിൽ നേമം ബ്ലോക്ക് പഞ്ചായത്ത് ഭരണം കോൺഗ്രസിന് നഷ്ടപ്പെട്ടു. രാവിലെയും ഉച്ചക്കുമായി നടന്ന അവിശ്വാസത്തിൽ കോൺഗ്രസ് അംഗങ്ങൾ വിട്ടുനിന്നു. സ്വജനപക്ഷപാതം, ഭരണ പരാജയം എന്നിവയാരോപിച്ച് പ്രസിഡൻറ്, വൈസ് പ്രസിഡൻറ് എന്നിവർക്കെതിരെ എൽ.ഡി.എഫ് കഴിഞ്ഞ 21നാണ് അവിശ്വാസ നോട്ടീസ് നൽകിയത്. 16 അംഗ ബ്ലോക്ക് പഞ്ചായത്തിൽ കോൺഗ്രസ് -ഏഴ്, എൽ.ഡി.എഫ് -ഏഴ്, ബി.ജെ.പി -രണ്ട് എന്നിങ്ങനെയാണ് അംഗസംഖ്യ. നറുക്കെടുപ്പിലൂടെയാണ് കോൺഗ്രസുകാരായ എൽ. അനിത പ്രസിഡൻറും വീരേന്ദ്ര കുമാർ വൈസ് പ്രസിഡൻറുമായി അധികാരത്തിലെത്തിയത്. സി.പി.എമ്മിലെ അഡ്വ. സുരേഷ് കുമാർ അനിതക്കെതിരെയും വിളപ്പിൽ രാധാകൃഷ്ണൻ വീരേന്ദ്ര കുമാറിനെതിരെയും അവിശ്വാസ നോട്ടീസ് നൽകുകയായിരുന്നു. വെള്ളിയാഴ്ച രാവിലെയും ഉച്ചക്കുമായി പ്രസിഡൻറിനും വൈസ് പ്രസിഡൻറിനുമെതിരെ അവിശ്വാസ നോട്ടീസ് ചർച്ചക്കെടുത്തപ്പോൾ കോൺഗ്രസ് വിട്ടുനിന്നു. ഇടത് കക്ഷികളും ബി.ജെ.പിയും അവിശ്വാസത്തിന് അനുകൂലമായി വോട്ട് രേഖപ്പെടുത്തി. ഏഴിനെതിരെ ഒമ്പതിന് അവിശ്വാസം പാസായി. രണ്ടാഴ്ചക്കകം പുതിയ ഭരണസാരഥികളെ തെരഞ്ഞെടുക്കും. ജില്ല പഞ്ചായത്ത് സെക്രട്ടറി കെ. ചന്ദ്രശേഖരെൻറ നേതൃത്വത്തിലായിരുന്നു അവിശ്വാസ ചർച്ചയും വോട്ടെടുപ്പും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.