തിരുവനന്തപുരം: വിവിധ ആവശ്യങ്ങൾ ഉന്നയിച്ച് കെ.എസ്.ആർ.ടി എംപ്ലോയീസ് അസോസിയേഷെൻറ (സി.ഐ.ടി.യു) നേതൃത്വത്തിൽ അനിശ്ചിതകാല സത്യഗ്രഹം ആരംഭിച്ചു. കെ.എസ്.ആർ.ടി എംപ്ലോയീസ് അസോസിയേഷൻ സംസ്ഥാന പ്രസിഡൻറ് വൈക്കം വിശ്വൻ അനിശ്ചിതകാല സത്യഗ്രഹം ഉദ്ഘാടനം ചെയ്തു. ശമ്പളവും പെൻഷനും കൃത്യമായും പൂർണമായും വിതരണം ചെയ്യാനുള്ള സംവിധാനമുണ്ടാകണമെന്നും കെ.എസ്.ആർ.ടി.സി മാനേജ്മെൻറ് ഇക്കാര്യത്തിൽ ജാഗ്രത കാണിക്കണമെന്നും വൈക്കം വിശ്വൻ പറഞ്ഞു. സംസ്ഥാന വൈസ് പ്രസിഡൻറ് എസ്. ശ്രീദേവി അധ്യക്ഷതവഹിച്ചു. ട്രഷറർ ടി. ദിലീപ് കുമാർ, ഭാരവാഹികളായ പി. ഗോപാലകൃഷ്ണൻ, എ. മസ്താൻഖാൻ, യൂനിയൻ മുൻഭാരവാഹി വി. പ്രഭാകരൻ, വി. ശാന്തകുമാർ, എസ്. സുശീലൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.