മലയിൻകീഴ്: നേമം ബ്ലോക്ക് പഞ്ചായത്ത് വികസനകാര്യ സ്ഥിരംസമിതി അധ്യക്ഷ സിന്ധുകുമാരി അശോകൻ രാജിവെച്ചു. ഇവർക്കെതിരെ വ്യാഴാഴ്ച അവിശ്വാസം ചർച്ചചെയ്യാനിരിക്കെയാണ് രാജി. 16 അംഗ ബ്ലോക്ക് പഞ്ചായത്തിൽ യു.ഡി.എഫ് -ഏഴ്, എൽ.ഡി.എഫ് -ഏഴ്, ബി.ജെ.പി- -രണ്ട് എന്നിങ്ങനെയായിരുന്നു കക്ഷിനില. കഴിഞ്ഞ 30ന് നടന്ന പ്രസിഡൻറ്, വൈസ് പ്രസിഡൻറ് തെരഞ്ഞെടുപ്പുകളിൽ കോൺഗ്രസ് അംഗമായ സിന്ധുകുമാരി അശോകൻ വിട്ടുനിന്നിരുന്നു. ഇതോടെ തുല്യശക്തികളായ ഇടത്-വലത് കക്ഷികൾക്ക് നറുക്കെടുപ്പിനുള്ള സാധ്യത നഷ്ടപ്പെട്ടു. ഇതോടെ യു.ഡി.എഫിന് ഭരണം നഷ്ടപ്പെട്ട് എൽ.ഡി.എഫ് ഭരണം പിടിക്കുകയായിരുന്നു. ഭരണം നഷ്ടപ്പെടുത്തിയതിന് സിന്ധുകുമാരിയെ ഡി.സി.സി പുറത്താക്കുകയും കൂറുമാറ്റ നിയമമനുസരിച്ച് നടപടിസ്വീകരിക്കുകയും ചെയ്തിരുന്നു. സ്ഥാനം ഒഴിഞ്ഞതിനെ തുടർന്ന് അവിശ്വാസപ്രമേയ ചർച്ച റദ്ദാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.