പാറശ്ശാല: ദേശീയപാതയിൽ അമിതവേഗത്തിൽ വന്ന ബൈക്കിടിച്ച് മധ്യവയസ്കൻ മരിച്ചു. പാറശ്ശാല ടൗൺ ശ്രീരംഗ മന്ദിരത്തിൽ ഗിരീഷ് കുമാറാണ് (55) മരിച്ചത്. ശനിയാഴ്ച രാത്രി ഒമ്പതോടെ പാറശ്ശാല ഗാന്ധി പാർക്ക് ജങ്ഷനിലായിരുന്നു അപകടം. ഗുരുതര പരിക്കേറ്റ ഗിരീഷിനെ ഉടൻതന്നെ പാറശ്ശാല താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലും എത്തിച്ചിരുന്നു. മാരായമുട്ടം എഴുത്തച്ഛൻ ഫർമസി കോളജിലെ വിദ്യാർഥികളുടെ ബൈക്കാണ് അപകടം വരുത്തിയത്. വീട്ടിലേക്ക് സാധനങ്ങളും വാങ്ങി മടങ്ങവെ അമിതവേഗത്തിൽ വന്ന ബൈക്ക് ഗിരീഷിനെ ഇടിക്കുകയായിരുന്നു. തിരുവനന്തപുരം മെഡിക്കൽ കോളജിൽ സൂക്ഷിച്ച മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. ഭാര്യ: ബിജി. മക്കൾ: നന്ദു ഗിരീഷ്, നന്ദ ഗിരീഷ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.