തിരുവനന്തപുരം: വിഴിഞ്ഞം തുറമുഖപദ്ധതിയിലെ അഴിമതിക്കെതിരെ ആം ആദ്മി പാർട്ടി നടത്തുന്ന സമരപ്രചാരണ ജാഥയുടെ സമാപനം ശനിയാഴ്ച വൈകീട്ട് നാലിന് തിരുവനന്തപുരം ഗാന്ധിപാർക്കിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വിഴിഞ്ഞം കരാർ സംസ്ഥാന താൽപര്യപ്രകാരം തിരുത്തുക, കരാർ ഒപ്പിട്ട കുറ്റക്കാർക്കെതിരെ അഴിമതി നിരോധന നിയമപ്രകാരം ക്രിമിനൽ കേസെടുക്കുക, നിർമാണഘട്ടത്തിലും ശേഷവും തദ്ദേശീയർക്ക് ജോലിനൽകുക തുടങ്ങിയ ആവശ്യങ്ങളുന്നയിച്ചാണ് സമരപ്രചാരണ ജാഥ സംഘടിപ്പിച്ചത്. ഡോ. ആസാദ്, മാഗ്ലിൻ പീറ്റർ, പൊമ്പിളൈ ഒരുമൈ നേതാവ് ഗോമതി, മുൻ സി.എ.ജി ഉദ്യോഗസ്ഥൻ പി. ഗോപകുമാർ, ഏലിയാസ് ജോൺ എന്നിവർ സംസാരിക്കും. ആം ആദ്മി സംസ്ഥാന കൺവീനർ സി.ആർ. നീലകണ്ഠൻ, ജാഥ ക്യാപ്റ്റൻ മെൽവിൻ വിനോദ്, ഷൗക്കത്തലി എരോത്, ആർ. രാജൻ എന്നിവർ വാർത്തസമ്മേളനത്തിൽ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.