പ്രധാനമന്ത്രിയുടെ നിലപാട് പ്രതിഷേധാര്ഹം -എം.എം. ഹസന് തിരുവനന്തപുരം: ഗോസംരക്ഷകരെന്ന പേരില് ആളുകളെ തല്ലിക്കൊല്ലുന്നതിനെതിരെ നടപടി എടുക്കാതെ അതിനെ അപലപിക്കുന്ന പ്രധാനമന്ത്രിയുടെ നിലപാട് അങ്ങേയറ്റം പ്രതിഷേധാര്ഹമാണെന്ന് കെ.പി.സി.സി പ്രസിഡൻറ് എം.എം. ഹസന്. ജനങ്ങള്ക്കു വേണ്ടത് വാചാടോപമല്ല. ശക്തമായ നടപടിയാണ്. മഹാത്മാഗാന്ധി സ്ഥാപിച്ച സബര്മതി ആശ്രമത്തില് നടന്ന ചടങ്ങില് പ്രസംഗിച്ച പ്രധാനമന്ത്രി, ഗോസംരക്ഷകരുടെ അക്രമങ്ങള് ഗാന്ധിജിയുടെ തത്ത്വങ്ങള്ക്ക് വിരുദ്ധമാണെന്ന് പറഞ്ഞതിന് തൊട്ടുപിന്നാലെയാണ് ഗോസംരക്ഷകര് ഝാര്ഖണ്ഡില് പശുവിറച്ചി വാഹനത്തില് കടത്തുെന്നന്നാരോപിച്ച് ഒരാളെ അടിച്ചുകൊന്നത്. ബി.ജെ.പി അധികാരമേറ്റ ശേഷം ഇത്തരം നിരവധി സംഭവങ്ങള് രാജ്യത്തുണ്ടായി. ഗോസംരക്ഷകര് ആളുകളെ കൊല്ലുമ്പോള് അതിനെതിരെ ശക്തമായ നടപടി സ്വീകരിക്കാതെ തന്ത്രപരമായ നിശ്ശബ്ദത പാലിച്ച പ്രധാനമന്ത്രിയുടെ ഈ പ്രസംഗം ആത്മാർഥതയില്ലാത്തതും അഭിനയവുമാണെന്നും ഹസന് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.