തിരുവനന്തപുരം: നന്തൻകോട് കൂട്ടക്കൊലപാതകക്കേസിലെ പ്രതി കാഡൽ ജീൻസൺ രാജയെ ഈ മാസം 26 വരെ തിരുവനന്തപുരം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി പ്രതിയെ റിമാൻഡ് ചെയ്തു. കസ്റ്റഡി കാലാവധി പൂർത്തിയാക്കിയതിനെതുടർന്ന് വ്യാഴാഴ്ച കോടതിയിൽ ഹാജരാക്കി. കാഡലിെൻറ മാനസികനിലയെക്കുറിച്ച് പരിശോധന നടത്താൻ മെഡിക്കൽ സംഘത്തിെൻറ മുന്നിൽ കൊണ്ടുപോകാൻ അനുവദിക്കണമെന്നാവശ്യപ്പെട്ട് പ്രോസിക്യൂഷൻ ഹർജി നൽകി. ഈ അവശ്യം അനുവദിക്കണമോയെന്ന് വെള്ളിയാഴ്ച കോടതി വിധി പറയും. കഴിഞ്ഞ എട്ടിനാണ് നന്തന്കോട് ബെയിന്സ് കോമ്പൗണ്ടിലെ വീട്ടില് കാഡലിെൻറ പിതാവ് പ്രഫ. രാജ തങ്കം, മാതാവ് റിട്ട. ഡോ. ജീൻ പദ്മ, സഹോദരി കരോലിൻ, ബന്ധു ലളിത എന്നിവരെ കൊല്ലപ്പെട്ടനിലയിൽ കണ്ടെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.