വര്ക്കല: നിരവധി മോഷണക്കേസിലെ പ്രതി മോഷ്ടിച്ച ബൈക്കുമായി പിടിയില്. വെട്ടൂര് ആശാന്മുക്ക് വയലില് വീട്ടില് അബൂതാലിബാണ് (26) പൊലീസിന്െറ പിടിയിലായത്. കാട്ടാക്കടയില്നിന്ന് മോഷ്ടിച്ച ബൈക്കില് യാത്ര ചെയ്യവെ വര്ക്കല റെയില്വേ സ്റ്റേഷന് സമീപത്തുവെച്ച് വാഹന പരിശോധന നടത്തിയ പൊലീസ് സംഘത്തിന്െറ പിടിയിലാകുകയായിരുന്നു. വര്ക്കല, ഇരവിപുരം, അമ്പലപ്പുഴ, കാട്ടാക്കട, വെഞ്ഞാറമൂട്, നെടുമങ്ങാട് തുടങ്ങിയ പൊലീസ് സ്റ്റേഷനുകളിലായി പതിമൂന്നോളം മോഷണക്കേസുകളിലുണ്ടെന്ന് പൊലീസ് പറഞ്ഞു. കൂടാതെ ഭവനഭേദനം, പിടിച്ചുപറി, അടിപിടി, ബലാത്സംഗ കേസുകളും ഇയാള്ക്കെതിരെയുണ്ട്. കോടതിയില്നിന്ന് ജാമ്യം നേടിയശേഷം ജാമ്യവ്യവസ്ഥകള് ലംഘിച്ച് ഒളിവില് കഴിയുകയായിരുന്നു. ഇയാളെ ഗുണ്ടാ ആക്ടില് ഉള്പ്പെടുത്തി നടപടി സ്വീകരിക്കാന് ശിപാര്ശ ചെയ്തതായും കോടതിയില് ഹാജരാക്കി റിമാന്ഡ് ചെയ്തതായും വര്ക്കല എസ്.ഐ കെ. ഷിജി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.