തിരുവനന്തപുരം: ഓണ്ലൈനിലൂടെ വിദേശജോലി വാഗ്ദാനം ചെയ്ത് കഴക്കൂട്ടം സ്വദേശിനിയില് നിന്ന് മൂന്ന് ലക്ഷം രൂപ തട്ടിയെടുത്ത ഭോപാല് സ്വദേശിയെ സൈബര് ക്രൈം വിഭാഗം അറസ്റ്റ് ചെയ്തു. കഴിഞ്ഞദിവസം ഭോപാല് പിപ്പിലാനിയില് നിന്നാണ് ദീപേന്ദ്രസിങ് പരിഹാര്(38) എന്നയാള് പിടിയിലായത്. സൈബര് ക്രൈം സി.ഐ. കെ.ആര്. ബിജു, സി.പി.ഒ എം.ആര്. പ്രസാദ് എന്നിവരുടെ നേതൃത്വത്തിലായിരുന്നു അറസ്റ്റ്. മോണ്സ്റ്റര് എന്ന വെബ്സൈറ്റ് വഴി പരസ്യങ്ങള് നല്കിയാണ് ഇയാള് തട്ടിപ്പ് നടത്തിയിരുന്നത്. പരസ്യം കണ്ട് ദീപേന്ദ്രസിങ്ങിനെ ബന്ധപ്പെട്ട കഴക്കൂട്ടം സ്വദേശിനി നിഷയില് നിന്നാണ് പലപ്പോഴായി മൂന്നുലക്ഷംരൂപ തട്ടിയെടുത്തതെന്ന് പൊലീസ് പറയുന്നു. നാട്ടിലത്തെിച്ച പ്രതിയെ ചോദ്യം ചെയ്തുവരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.