തൃശൂർ: മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകാൻ പാഴ് വസ്തുക്കൾ ശേഖരണവുമായി എ.ഐ.വൈ.എഫ് കാമ്പയിൻ. മാടക്കത്തറ മേഖല കമ്മിറ്റിയാണ് പ്രവർത്തനം തുടങ്ങിയത്. ലോക്ഡൗൺ കാലത്ത് വീടുകളിൽ വലിയ രീതിയിൽ ഉപയോഗശൂന്യമായ വസ്തുക്കൾ കെട്ടി കിടക്കുന്നുണ്ട്. മഴക്കാലം വരുന്ന സമയവുമാണ് അത്കൊണ്ട് തന്നെ മഴ പെയ്താൽ വെള്ളം കെട്ടിനിൽക്കുകയും പല തരത്തിലുള്ള മഴക്കാലരോഗങ്ങൾക്കും അത് കാരണം ആകാം. ഇതിൻെറ പ്രതിരോധ പ്രവർത്തനങ്ങളും ഇതിലൂടെ എ.ഐ.വൈ.എഫ് ലക്ഷ്യമിടുന്നു. യൂനിറ്റ് അടിസ്ഥാനത്തിൽ വീടുകളിൽ വന്ന് പാഴ് വസ്തുക്കൾ ശേഖരിച്ച് മേഖലയിലെ ഒരു കേന്ദ്രത്തിൽ എത്തിച്ച് അതിന് ശേഷം വിൽപ്പന നടത്തും. ലഭിക്കുന്ന തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറുമെന്ന് നേതാക്കൾ അറിയിച്ചു. ചീഫ് വിപ്പ് കെ. രാജൻ ഉദ്ഘാടനം നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.