കൊടുങ്ങല്ലൂർ: പതിറ്റാണ്ടിൻെറ പതിവ് തെറ്റിക്കാതെ കോട്ടപ്പുറം രൂപത മെത്രാനുള്ള ക്രിസ്മസ് സമ്മാനവുമായി ഇത്തവണയും ചേരമാൻ ജുമാ മസ്ജിദ് ഭാരവാഹികൾ അരമനയിലെത്തി. ചേരമാൻ ജുമാ മസ്ജിദ് ഇമാം സൈഫുദ്ദീൻ അൽ ഖാസിമി, പ്രസിഡൻറ് ഡോ. പി.എ. മുഹമ്മദ് സഈദ്, സെക്രട്ടറി എസ്.എ. അബ്ദുൽ ഖയ്യൂം തുടങ്ങിയവരാണ് ക്രിസ്മസ് ദിനത്തിൽ ബിഷപ്പിനെ സന്ദർശിച്ചത്. ആഘോഷവേളകളിലെ പരസ്പര സന്ദർശനം സമൂഹത്തിൽ സമാധാനത്തിനും ശാന്തിക്കും കാരണമാകുമെന്ന് ബിഷപ് ഡോ. ജോസഫ് കാരിക്കശ്ശേരി പറഞ്ഞു. ബഹുസ്വരതയെയും മതേതരത്വത്തെയും പരിപോഷിപ്പിക്കുന്നതിനുള്ള എല്ലാ ശ്രമങ്ങളും ചേരമാൻ മസ്ജിദ് നടത്തുമെന്ന് മഹല്ല് ഇമാമും അറിയിച്ചു. അരമനയിൽ മഹല്ല് പ്രതിനിധികൾക്ക് ഊഷ്മള സ്വീകരണം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.