ചേലക്കര: ജി.എൽ.പി.എസിന് പുതിയ കെട്ടിടത്തിന് ഒരു കോടി രൂപ അനുവദിച്ചു. പുതിയ ക്ലാസ് മുറി കെട്ടിടം നിർമിക്കാനാണ് ഒ രു കോടി രൂപ അനുവദിച്ചതെന്ന് യു.ആർ. പ്രദീപ് എം.എൽ.എ അറിയിച്ചു. വിദ്യാഭ്യാസ വകുപ്പിൻെറ 2019-20 ലെ പ്ലാൻ ഫണ്ടിൽനിന്നാണ് പണം അനുവദിച്ചത്. പ്രവൃത്തിക്ക് പൊതുവിദ്യാഭ്യാസ വകുപ്പ് ഭരണാനുമതി നൽകി ഉത്തരവായി. പൊതുമരാമത്ത് കെട്ടിട വിഭാഗത്തിനാണ് നിർമാണ ചുമതല. കാലപ്പഴക്കം ചെന്ന കെട്ടിടം പൊളിച്ചുമാറ്റി പുതിയ കെട്ടിടം നിർമിക്കുന്നതിന് തുക അനുവദിക്കാനായി പൊതുവിദ്യാഭ്യാസ വകുപ്പ് മന്ത്രിക്ക് നൽകിയ കത്തിൻെറ അടിസ്ഥാനത്തിലാണ് നടപടി. സാങ്കേതിക അനുമതി ലഭ്യമാക്കി ടെൻഡർ നടത്തി കെട്ടിടം പണി ആരംഭിക്കുന്നതിന് എം.എൽ.എ പൊതുമരാമത്ത് കെട്ടിട വിഭാഗം എക്സിക്യൂട്ടിവ് എൻജിനീയർക്ക് നിർദേശം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.