പെൻഷൻകാരുടെ പ്രശ്നം പാർലമൻെറിൽ ഉന്നയിക്കും- എം.പി തൃശൂർ: ഇ.പി.എഫ് പെൻഷൻകാരുടെ ന്യായമായ ആവശ്യങ്ങൾ കേന്ദ്രസർക്കാർ അനുവദിക്കണമെന്നും വാർധക്യ പെൻഷൻ ഒരു ലക്ഷത്തിൽ താഴെ വരുമാനമുള്ളവർക്ക് 1200 രൂപ അനുവദിക്കണമെന്നും ആവശ്യപ്പെട്ട് പെൻഷൻ ദിനത്തിൽ ജില്ല കമ്മിറ്റിയുടെ നേതൃത്വത്തിൽ പ്രോവിഡൻറ് ഫണ്ട് പെൻഷനേഴ്സ് അസോസിയേഷൻ കലക്ടറേറ്റിന് മുന്നിൽ ധർണ നടത്തി. ടി.എൻ. പ്രതാപൻ എം.പി ഉദ്ഘാടനം ചെയ്തു. ഇ.പി.എഫ് പെൻഷൻകാരുടെ പ്രശ്നങ്ങൾ പാർലമൻെറിൽ വിഷയം ഉന്നയിക്കുമെന്ന് എം.പി പറഞ്ഞു. ജില്ല പ്രസിഡൻറ് കെ. രാമനാഥൻ അധ്യക്ഷത വഹിച്ചു. ഐ.എൻ.ടി.യു.സി ദേശീയ കമ്മിറ്റിയംഗം ടി.വി. ചന്ദ്രമോഹൻ, സി.ഐ.ടി.യു വൈസ് പ്രസിഡൻറ് കെ.എഫ്. ഡേവീസ്, ടി.യു.സി.ഐ സംസ്ഥാന പ്രസിഡൻറ് എം.കെ. തങ്കപ്പൻ, ബി.എം.എസ് ജില്ല പ്രസിഡൻറ് എ.സി. കൃഷ്ണൻ, പി.എഫ്.പി.എ സംസ്ഥാന ഭാരവാഹികളായ എം.ജി. വേണുഗോപാലൻ, ഇ.കെ. കൃഷ്ണൻ നായർ, ജോസ് പനയ്ക്കൽ, ചന്ദ്രൻ നായർ, എം.ജെ. ഡേവീസ്, ശാന്തകുമാരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.