തൃശൂർ: ദേശീയപാത കുതിരാനിൽ മണ്ണിടിച്ചിൽ ഉണ്ടായെന്ന് സമൂഹമാധ്യമങ്ങളിൽ വ്യാജ പ്രചാരണം. സന്ദേശം പ്രചരിച്ചത് യാത ്രക്കാരെ വലച്ചു. വ്യാഴാഴ്ച രാത്രി കുതിരാനിൽ മണ്ണിടിച്ചിൽ ഉണ്ടായെന്നും ഗതാഗതം തടസ്സപ്പെട്ടുവെന്നുമുള്ള വ്യാജ സന്ദേശം വാട്സാപ്പിലും ഫേസ്ബുക്കിലുമെല്ലാം പ്രചരിച്ചത്. ഈ സമയം കുതിരാനിൽ വലിയ ഗതാഗതക്കുരുക്കും അനുഭവപ്പെട്ടിരുന്നു. വഴിയിൽ കുരുങ്ങിയിരുന്ന യാത്രക്കാർക്കും ഇതുവഴി യാത്ര ചെയ്യാനിരുന്നവരും ഇതോടെ പരിഭ്രാന്തരായി. കുതിരാൻ അമ്പലത്തിന് സമീപം ലോറി കേടാവുകകൂടി ചെയ്തതോടെ കുരുക്ക് മുറുകി. സന്ദേശം അതിവേഗത്തിൽ പ്രചരിച്ചതോടെ മണ്ണിടിഞ്ഞിട്ടില്ലെന്ന വിശദീകരണവുമായി ജില്ല കലക്ടറുടെ അറിയിപ്പുമെത്തി. യാത്രക്കാർ പരിഭ്രാന്തരാവരുതെന്നും കലക്ടർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.