ചേർപ്പ്: വനംവകുപ്പ് ഉദ്യോഗസ്ഥരെ ആക്രമിച്ചയാളെ പൊലീസ് അറസ്റ്റ് ചെയ്തു. ഒളരിയിൽ താമസിക്കുന്ന ചേരുംകുഴി സ്വദേശി മുതുകാട്ടിൽ വീട്ടിൽ തങ്കച്ചനെയാണ് (ദേവസ്യ-49) ചേർപ്പ് പൊലീസ് അറസ്റ്റ് ചെയ്തു. ചേർപ്പ് പാലക്കൽ പാലിശേരിയിൽ വെച്ച് തേക്ക് തടികൾ കയറ്റിപോകുകയായിരുന്നു വാഹനം തടഞ്ഞു നിർത്തി പരിശോധിക്കുന്നതിനിടെയായിരുന്നു സംഭവം. ഫോറസ്റ്റ് ഫ്ലയിങ് സ്ക്വാഡ് ഉദ്യോഗസ്ഥരെ കൈയേറ്റം ചെയ്യുകയും അസഭ്യം പറയുകയും രേഖകൾ ബലമായി പിടിച്ചു വാങ്ങുകയും ചെയ്യുകയായിരുന്നു. തൃശൂർ ഫോറസ്റ്റ് റേഞ്ച് ഫോറസ്റ്റ് ഓഫിസർ ഭാസി ബാഹുലേയൻെറ നിർദേശ പ്രകാരം ബീറ്റ് ഫോറസ്റ്റ് ഓഫിസർമാരായ ടി.യു. രാജ്കുമാർ, ഷിജു ജേക്കബ്, സി.പി. സജീവ്കുമാർ എന്നിവരെയാണ് കൈയേറ്റം ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.