ചാവക്കാട്: ദേശീയ പാതയിലെ കുഴിയിൽ വീഴുന്നത് ഒഴിവാക്കാനായി വെട്ടിച്ച ഓട്ടോയിൽനിന്ന് യാത്രികൻ പുറത്തേക്ക് വീണു. അപകടം കണ്ടിട്ടും ഡ്രൈവർ ഓട്ടോ നിർത്താതെ പോയി. മണത്തല ബേബി റോഡിൽ താമസിക്കുന്ന തമിഴ്നാട് സ്വദേശി രമേശനാണ് (49) പരിക്കേറ്റത്. ഞായറാഴ്ച രാത്രി 10.50 ഓടെ ചാവക്കാട് മണത്തല കെ.എസ്.ഇ.ബി ഓഫിസിനടുത്തായിരുന്നു അപകടം. വിവരമറിഞ്ഞ് സ്ഥലത്തെത്തിയ ചാവക്കാട് ടോട്ടൽ കെയർ പ്രവർത്തകർ പരിക്കേറ്റയാളെ ചാവക്കാട് താലൂക്ക് ആശുപത്രിയിൽ പ്രവേശിപ്പിച്ചു. ഞായറാഴ്ച വൈകിട്ട് ദേശീയപാതയിൽ കുഴിയിൽ ചാടി ലീഗ് മണ്ഡലം സെക്രട്ടറി ഫൈസൽ കാനാംപുള്ളി, സുഹൃത്ത് മണത്തല രാമനാത്ത് നവാസ് എന്നിവർക്കും പരിക്ക് പറ്റിയിരുന്നു. മണത്തല ഐനിപുള്ളിയിലായിരുന്നു അപകടം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.