പുന്നയൂര്ക്കുളം: ചെറായി ക്രിയേറ്റിവ് കലാസാംസ്കാരിക വേദി സംഘടിപ്പിച്ച രണ്ട് ദിവസത്തെ തായംകളി മത്സരത്തില് ഫസലുദ്ദീന്, ശിവരാമന് ടീം ജേതാക്കളായി. നിഖില് ബിടായിനി, ജിനീഷ് നാരായണന് ടീം രണ്ടാം സ്ഥാനം നേടി. ജേതാക്കള്ക്ക് യഥാക്രമം 10,001, 5001 രൂപയുടെ കാഷ് പ്രൈസ് വടക്കേക്കാട് എസ്.ഐ കെ.പ്രദീപ് കുമാര് വിതരണം ചെയ്തു. വായനശാല സെക്രട്ടറി എം. റാണാപ്രതാപ്, പി. സുനില്കുമാര് എന്നിവര് സംസാരിച്ചു. കെ. ധജീഷ്, ഫൈസല്, പി.എസ്. രാഹുല്, ഫൈസല് മാതയില്, രവി, കെ.ഡി. ജിതോഷ് എന്നിവര് നേതൃത്വം നല്കി. നാടന് കളികള് പുനരുജ്ജീവിപ്പിക്കുക എന്ന ലക്ഷ്യത്തോടെയാണ് ഏഴ് വര്ഷമായി ഇവിടെ തായംകളി മത്സരം നടത്തുന്നത്. മത്സരത്തില് പങ്കെടുക്കാനും കളി കാണാനും നൂറുകണക്കിന് പേരാണ് എത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.