കുന്നംകുളം: കടകളിലും മറ്റുമായി നടത്തിയ പരിശോധനയിൽ നിരോധിത പുകയില ഉൽപന്നങ്ങൾ പൊലീസ് പിടിച്ചെടുത്തു. ഇതര സംസ് ഥാനക്കാർ ഉൾപ്പെടെ മൂന്നുപേരെ അറസ്റ്റ് ചെയ്തു. പോർക്കുളം കരുവാൻപടി കണ്ടംപുള്ളി ധനീഷ് (36), ഉത്തർപ്രദേശ് സ്വദേശികളായ പ്രതാപ് (27), വിജയ്കുമാർ മൗര്യ (21) എന്നിവരെയാണ് അറസ്്റ്റ് ചെയ്്തത്. 500ഓളം പാക്കറ്റ് ഹാൻസാണ് പിടിച്ചെടുത്തത്. പ്രായപൂർത്തിയാകാത്ത കുട്ടികൾക്ക് ഹാൻസ് വിതരണം ചെയ്തതിന് ഇതര സംസ്ഥാനക്കാർക്കെതിരെ ജുവനൈൽ ജസ്്റ്റിസ് ആക്ട് പ്രകാരമാണ് കേസെടുത്തത്. ബസ്സ്റ്റാൻഡ് കേന്ദ്രീകരിച്ചാണ് ഇവർ കുട്ടികൾക്ക് ലഹരി വിതരണം ചെയ്തിരുന്നതെന്ന് പൊലീസ് പറഞ്ഞു. ബൈജു റോഡിലെ മംഗളം ഹോട്ടലിൽനിന്ന് ഹാൻസ് പിടിച്ചെടുത്തു. സി.ഐ കെ.ജി. സുരേഷ്, എസ്.ഐ യു.കെ. ഷാജഹാൻ, എസ്.ഐ രാജീവ്, പൊലീസുകാരായ ഗോകുലൻ, സന്ദീപ്, മെൽവിൻ, വൈശാഖ് എന്നിവരാണ് പരിശോധനക്ക് നേതൃത്വം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.