മതിലകം: ഒാമനിച്ചു വളർത്തിയ പശുക്കുട്ടിയെ മുഖ്യമന്ത്രിയുടെ ദുരിതാശ്വാസ നിധിയിലേക്ക് സമ്മാനിച്ച് വയോധിക. മതി ലകം പഞ്ചായത്ത് പ്രസിഡൻറ് ഇ.ജി. സുരേന്ദ്രൻെറ മാതാവ് കൂളിമുട്ടം ത്രിവേണി എരുമതുരുത്തി കൗസല്യയാണ് പശുക്കുട്ടിയെ പ്രളയ ദുരിതത്തിൻെറ കെടുതി അനുഭവിക്കുന്നവരെ സഹായിക്കാനായി നൽകിയത്. ജെയ്സി ഇനത്തിൽപെടുന്ന പശുക്കുട്ടിക്ക് ആറുമാസം പ്രായമുണ്ട്. സി.പി.എമ്മിൻെറ നേതൃത്വത്തിൽ പ്രളയബാധിതരെ സഹായിക്കാൻ മുഖ്യമന്ത്രിയുടെ ദുരിതശ്വാസ നിധിയിലേക്ക് ധനസഹായം സ്വരൂപിക്കുന്നതിനിടയിലാണ് പശുക്കുട്ടിയെ സമ്മാനിക്കാൻ വീട്ടമ്മയായ കൗസല്യ സന്തോഷ പൂർവം തയാറായത്. മതിലകം ബ്ലോക്ക് പഞ്ചായത്ത് പ്രസിഡൻറ് കെ.കെ.അബീദലി, സി.പി.എം ഏരിയ സെക്രട്ടറി പി.കെ.ചന്ദ്രശേഖരൻ, പി.എം. ആൽഫ എന്നിവരുടെ നേതൃത്വത്തിൽ പശുക്കുട്ടിയെ ഏറ്റുവാങ്ങി. 20ന് വൈകീട്ട് മതിലകം സൻെററിൽ പശുക്കുട്ടിയെ ലേലം ചെയ്ത് പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുമെന്ന് ഏരിയ സെക്രട്ടറി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.