മാള: പുത്തൻചിറ കരിങ്ങോൾച്ചിറ ചാലിൽ കുളിക്കാനിറങ്ങിയ യുവാവ് മുങ്ങിമരിച്ചു. നെടുങ്ങാണത്തുകുന്ന് തേർക്കയിൽ പ്ര കാശൻെറ മകൻ വിഷ്ണു (19) ആണ്്മരിച്ചത്. ഞായറാഴ്ച വൈകീട്ട് നാലിനാണ് വിഷ്ണു കൂട്ടുകാരോടൊപ്പം കരിങ്ങോൾച്ചിറയിൽ കുളിക്കാനെത്തിയത്. ബണ്ട് തുറന്ന സമയമായതിനാൽ ശക്തമായ ഒഴുക്കുണ്ടായിരുന്നു. ഇതറിയാതെ ഇറങ്ങിയതാണ് അപകടമുണ്ടാക്കിയതെന്ന് നാട്ടുകാർ പറഞ്ഞു. നീന്തുന്നതിനിടെ വിഷ്ണുവിനെ കാണാതായി. കൂട്ടുകാരുടെ നിലവിളി കേട്ടെത്തിയ നാട്ടുകാർ ചാലിൽ ചാടി തിരഞ്ഞെങ്കിലും കണ്ടെത്താനായില്ല. മാള - കൊടുങ്ങല്ലൂർ ഫയർഫോഴ്സുകളും നാട്ടുകാരും ചേർന്ന് നടത്തിയ തിരച്ചിലിൽ പേന്തുരുത്ത് ഭാഗത്തുനിന്നാണ് മൃതദേഹം കണ്ടെത്തിയത്. മാള പൊലീസ് ഇൻക്വസ്റ്റ് നടത്തി. മൃതദേഹം മാള ഗവ. ആശുപത്രി മോർച്ചറിയിൽ. മാതാവ്: മായ. സഹോദരൻ: വിഗ്നേഷ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.