കുന്നംകുളം: സഹോദരൻെറ ഭാര്യയെ ജാതിപ്പേര് വിളിച്ച് ആക്ഷേപിക്കുകയും ശല്യപ്പെടുത്തുകയും ചെയ്ത സംഭവത്തിൽ ഭർതൃസഹോദരൻ പിടിയിൽ. കുന്നംകുളം അകതിയൂർ നോങ്ങല്ലൂർ കൊട്ടിലിങ്ങൽ വീട്ടിൽ ജിതേഷിനെയാണ് (33) കുന്നംകുളം എ.സി.പി ടി.എസ്. സിനോജ് അറസ്റ്റ് ചെയ്തത്. മിശ്ര വിവാഹിതയായ സഹോദരൻെറ ഭാര്യയെ ജിതേഷ് സ്ഥിരമായി ജാതിപ്പേര് വിളിച്ച് ആക്ഷേപിക്കുകയും ശല്യംചെയ്ത് വീട്ടിൽ നിന്ന് ഇറക്കി വിടാൻ ശ്രമിക്കുകയും ചെയ്തിരുന്നു. യുവതി നൽകിയ പരാതിയിലാണ് അറസ്റ്റ്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. ഡ്രൈവറായ ജിതേഷിനെതിരെ കുന്നംകുളം പൊലീസ് സ്റ്റേഷനിൽ അഞ്ചിലധികം കേസുകളുെണ്ടന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.