പുതുക്കാട്: ആദിവാസി മേഖലയിൽനിന്ന് എസ്.എസ്.എൽ.സി പരീക്ഷയിൽ മുഴുവൻ എ പ്ലസ് നേടിയ എച്ചിപ്പാറ ട്രൈബൽ കോളനിയിലെ വൈഷ്ണവി ബാലകൃഷ്ണൻെറ തുടർപഠനം ഏറ്റെടുത്ത് കെ.എസ്.യു ജില്ല കമ്മിറ്റി. സംഘടനയുടെ 62ാം ജന്മദിനത്തിൽ എച്ചിപ്പാറയിലെ എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ച വിദ്യാർഥികളെ അനുമോദിക്കുന്ന ചടങ്ങിലാണ് കെ.എസ്.യുവിൻെറ പ്രഖ്യാപനം. ജില്ല പ്രസിഡൻറ് മിഥുൻ മോഹൻ ചടങ്ങ് ഉദ്ഘാടനം ചെയ്തു. ജില്ല ജനറൽ സെക്രട്ടറി പ്രിൻസ് ഫ്രാൻസിസ് അധ്യക്ഷത വഹിച്ചു. മണ്ഡലം കോൺഗ്രസ് കമ്മിറ്റി പ്രസിഡൻറ് വിനയൻ പണിക്കവളപ്പിൽ മുഖ്യാതിഥിയായിരുന്നു. എച്ചിപ്പാറ ഗവ. ട്രൈബൽ സ്കൂൾ പി.ടി.എ പ്രസിഡൻറ് മുഹമ്മദ് റിയാസ്, യൂത്ത് കോൺഗ്രസ് ഭാരവാഹികളായ ജെറോൺ ജോൺ, സോജൻ പെരുമ്പുള്ളികാടൻ, കെ.എസ്.യു ഭാരവാഹികളായ ജിഷ്ണു രമേശ്, മിഥുലാജ് ലത്തീഫ്, ഫൈസൽ ഇബ്രാഹിം, മിഥുൻ കൃഷ്ണ, വാർഡ് കമ്മിറ്റി ഭാരവാഹികളായ കുഞ്ഞുമുഹമ്മദ്, അലവി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.