തൃശൂർ: ബി.എസ്.എൻ.എല്ലിനെ തകർക്കാനുള്ള നീക്കം ഉപേക്ഷിക്കുക തുടങ്ങി വിവിധ ആവശ്യങ്ങളുന്നയിച്ച് എ.യു.എ.ബിയുടെ ആഭിമ ുഖ്യത്തിൽ ജീവനക്കാരുടെ ത്രിദിന പണിമുടക്കിന് മുന്നോടിയായി ജീവനക്കാരും കുടുംബാംഗങ്ങളും അഖിലേന്ത്യ വ്യാപകമായി നടത്തുന്ന റാലിയുടെ ഭാഗമായി ജനറൽ മാനേജർ ഓഫിസിൽനിന്ന് കോർപറേഷൻ ഓഫിസിന് മുന്നിലേക്ക് കുടുംബമാർച്ച് നടത്തി. സമാപന സമ്മേളനം ബെഫി സംസ്ഥാന പ്രസിഡൻറ് ടി. നരേന്ദ്രൻ ഉദ്ഘാടനം ചെയ്തു. എ.സി. ഷാജി അധ്യക്ഷത വഹിച്ചു. പി.കെ. ഷാജൻ, ബി.എസ്.എൻ.എല്ലിലെ വിവിധ സംഘടനനേതാക്കളായ സുശാന്തൻ, ടി. ഗിരിജാവല്ലഭൻ, പി.ആർ. മുരളീധരൻ, എ.എ. ജോസ്, എ.യു.എ.ബി കൺവീനർ പി.ആർ. ശങ്കരനാരായണൻ, കെ.എ. ആഷിഖ് തുടങ്ങിയവർ സംസാരിച്ചു. 18 മുതലാണ് ത്രിദിന പണിമുടക്ക്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.