പടം..... കൊടുങ്ങല്ലൂർ: കേരള കമ്യൂണിസം ബ്രാഹ്മണിക്കൽ കമ്യൂണിസത്തിെൻറ അടയാളമായി മാറുന്ന കാഴ്ചയാണ് നജ്മൽ ബാബുവിെൻറ അന്ത്യാഭിലാഷത്തെ നിഷേധിച്ചതിലൂടെ കേരളം കണ്ടതെന്ന് എഴുത്തുകാരൻ ബാലചന്ദ്രൻ വടക്കേടത്ത്. സോളിഡാരിറ്റി കൊടുങ്ങല്ലൂരിൽ സംഘടിപ്പിച്ച ടി.എൻ. ജോയ് അനുസ്മരണ സദസ്സിൽ സംസാരിക്കുകയായിരുന്നു അദ്ദേഹം. ജീവിതാന്ത്യം വരെ താനുയർത്തിപ്പിടിച്ച മാനുഷിക മൂല്യങ്ങളെ കാത്തു സൂക്ഷിച്ച സാമൂഹിക പോരാളിയായിരുന്നു നജ്മൽ ബാബു. തെൻറ ഖബറിടം സംഘ്പരിവാറിനെതിരെയുള്ള പോരാളികളുടെ തീർഥാടന കേന്ദ്രമാകണമെന്ന് അദ്ദേഹം എപ്പോഴും ആഗ്രഹിച്ചിരുന്നെന്നും അദ്ദേഹം പറഞ്ഞു. സോളിഡാരിറ്റി സംസ്ഥാന വൈസ് പ്രസിഡൻറ് സമദ് കുന്നക്കാവ് അധ്യക്ഷത വഹിച്ചു. ആക്ടിവിസ്റ്റ് വി.ആർ. അനൂപ്, ഐ.ഗോപിനാഥ്, ബക്കർ മേത്തല, ചേരമാൻ മഹല്ല് മുൻ ഖതീബ് സുലൈമാൻ മൗലവി, ജമാഅത്തെ ഇസ്ലാമി തൃശൂർ ജില്ല പ്രസിഡൻറ് എം.എ. ആദം മൗലവി, വെൽഫെയർ പാർട്ടി സംസ്ഥാന സെക്രട്ടറി എം. മിർസാദ് റഹ്മാൻ എന്നിവർ സംസാരിച്ചു. സോളിഡാരിറ്റി ജില്ല ജന.സെക്രട്ടറി കെ.എം. സാബു, സ്വാഗതവും കൊടുങ്ങല്ലൂർ ഏരിയ പ്രസിഡൻറ് ഷിയാസ് എടവിലങ്ങ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.