കുന്നംകുളം: അന്യ സംസ്ഥാന തൊഴിലാളിയെ കുത്തിക്കൊന്ന കേസിൽ ജാമ്യത്തിലിറങ്ങി മുങ്ങിയ പ്രതിയായ അന്യ സംസ്ഥാന തൊഴിലാളിയെ പൊലീസ് പിടികൂടി. കടവല്ലൂർ കോടത്ത്കുണ്ട് വെച്ച് അന്യ സംസ്ഥാന തൊഴിലാളി അബ്ദുൾ സത്താറിനെ കുത്തിക്കൊന്ന കേസിലെ പ്രതി കർണാടക കോലാർ നാമത്ത് നഗർ സ്വദേശി നജീബ് പാഷയെയാണ് കർണാടകയിൽ നിന്നും പൊലീസെത്തി അറസ്റ്റ് ചെയ്തത്. ഇയാൾ ജാമ്യത്തിൽ ഇറങ്ങി കോടതിയിൽ ഹാജരാവാതെ ഒന്നര വർഷം ഒളിവിലായിരുന്നു. പ്രതിയെ സി.ഐ കെ.ജി. സുരേഷിെൻറ നേതൃത്വത്തിൽ എസ്.ഐ യു.കെ. ഷാജഹാൻ, എസ്.ഐ വി.എസ്. സന്തോഷ്, പൊലീസ് ഓഫിസർമാരായ ഷിനു, വൈശാഖ് എന്നിവർ ചേർന്നാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.