കുന്നംകുളം: പ്രളയം മൂലം ദുരിതത്തിലായവർക്ക് സർക്കാർ പ്രഖ്യാപിച്ച ധനസഹായം നിരവധി പേർക്ക് ലഭിച്ചില്ലെന്ന് പരാതി. നഗരസഭ പ്രദേശമായ വടുതലയിലെ 30 കുടുംബങ്ങൾ ഇതു സംബസിച്ച് തഹസിൽദാർക്ക് പരാതി നൽകി. കരിയാംതടം, കലയാംകുളം പ്രദേശത്തുള്ളവരാണ് പരാതിക്കാർ. മേഖലയിൽ 100 ഓളം വീടുകളിൽ വെള്ളം കയറിയിരുന്നു. ഇതിൽ 35 വീട്ടുകാർ ക്യാമ്പുകളിലേക്ക് മാറി. മറ്റുള്ളവർ ബന്ധുവീടുകളിലാണ് കഴിഞ്ഞിരുന്നത്. ക്യാമ്പുകളിൽ എത്താതിരുന്ന പലർക്കുമാണ് ധനസഹായം ലഭിക്കാത്തത്. വെള്ളം കയറിയ വീടുകളിലുള്ളവർ ആവശ്യമായ രേഖകൾ സഹിതം വില്ലേജ് ഓഫിസിൽ അപേക്ഷ നൽകിയിരുന്നു. രാഷ്ട്രീയ സ്വാധീനമാണ് ഇതിന് പിറകിലെന്ന് ആക്ഷേപമുണ്ട്. എന്നാൽ, വില്ലേജ് ഓഫിസർ പരിശോധന നടത്തിയാണ് സഹായം നൽകിയതെന്ന് കൗൺസിലർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.