കൊടുങ്ങല്ലൂർ: പ്രളയ ബാധിത പ്രദേശത്തെ അംഗൻവാടി കുരുന്നുകൾക്ക് കളിക്കോപ്പുകളും പഠനോപകരണങ്ങളും നിർമിച്ച് നൽകി വിദ്യാർഥികൾ. കൊടുങ്ങല്ലൂർ നഗരസഭയിലെ ഇരുപതാം വാർഡിലെ അംഗൻവാടി കുട്ടികൾക്കാണ് എറിയാട് കേരളവർമ ഹൈസ്കൂളിലെ വിദ്യാർഥികളുടെ നേതൃത്വത്തിൽ ഉണ്ടാക്കിയ തുണിസഞ്ചി, സോപ്പ്, പീപ്പികൾ, അലങ്കാര ചിത്രങ്ങൾ, പഠനോപകരണങ്ങൾ എന്നിവ കൂടാതെ കളിക്കോപ്പുകളും നൽകിയത്. സ്കൂളിലെ പ്രവൃത്തിപരിചയ ക്ലബിലെ അംഗങ്ങളായ ശ്രീലക്ഷ്മി, അഭിനവ്, ഐശ്വര്യ തുടങ്ങിയവർ നേതൃത്വം നൽകി. നഗരസഭ കൗൺസിലറും മേത്തല സർവിസ് സഹകരണ ബാങ്ക് പ്രസിഡൻറുമായ സി.പി. രമേശൻ, വാർഡ് കൗൺസിലർ പി.എസ്. വിനയകുമാർ, പ്രധാനാധ്യാപിക കെ.എസ്. ഷീല, അധ്യാപകരായ ടി.കെ. സഫിയ, എം.എം. വാഹിദ, എൻ. രാജേഷ്, പി.ജി. കൃഷ്ണനുണ്ണി, എം.ആർ. കലാകുമാർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.