വാടാനപ്പള്ളി: നടുവിൽക്കരയിൽ കോഴിക്കൂട്ടിൽനിന്ന് മലമ്പാമ്പിനെ പിടികൂടി. പുത്തില്ലത്ത് ക്ഷേത്രത്തിന് തെക്ക് ചക്കമ്പി രവീന്ദ്രെൻറ വീട്ടിലെ കോഴിക്കൂട്ടിൽനിന്നാണ് പത്ത് അടി നീളമുള്ള മലമ്പാമ്പിനെ പിടികൂടിയത്. ചൊവ്വാഴ്ച രാത്രി 9.30ഓടെയായിരുന്നു സംഭവം. നിരവധി കോഴികളും താറാവുമുള്ള രവീന്ദ്രെൻറ വീട്ടിൽനിന്ന് കോഴികളെ നഷ്്ടപ്പെടുന്നത് പതിവാണ്. മൂന്നാഴ്ച മുമ്പ് രാത്രി രണ്ടോടെ കോഴികളുടെ കരച്ചിൽ കേട്ട് രവീന്ദ്രനും ഭാര്യ കുമാരിയും എഴുന്നേറ്റ് നോക്കിയപ്പോഴാണ് മലമ്പാമ്പിനെ കണ്ടത്. ഒരു കോഴിയെ അകത്താക്കിയ നിലയിലായിരുന്നു. ഇരുവരും മാത്രമായതിനാൽ ഇവയെ പിടികൂടാൻ കഴിഞ്ഞില്ല. ശബ്ദം വെച്ചതോടെ മലമ്പാമ്പ് പോയി. പ്രളയത്തിൽ വീട് മുങ്ങിയതോടെ കുടുംബം ക്യാമ്പിലായിരുന്നു. അപ്പോഴും കോഴികളെ നഷ്്ടപ്പെട്ടു. ചൊവ്വാഴ്ച രാത്രി കോഴികളുടെ കരച്ചിൽ കേട്ട് രവീന്ദ്രൻ നോക്കിയപ്പോഴാണ് കൂട് പൊളിച്ച് അകത്ത് കയറിയപാമ്പിനെ കണ്ടത്. വിവരം അറിയിച്ചതോടെ മിഡ് ലാൻഡ് ക്ലബ് പ്രവർത്തകർ എത്തി മലമ്പാമ്പിനെ പിടികൂടി. രവീന്ദ്രെൻറ വീട്ടിലെ 15 കോഴികളെ ഇതിനകം പലപ്പോഴായി മലമ്പാമ്പ് അകത്താക്കിയിട്ടുണ്ട്. നേരത്തെയും പ്രദേശത്തുനിന്ന് മലമ്പാമ്പിനെ പിടികൂടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.