കൊടുങ്ങല്ലൂർ: നഗരസഭയിൽ പ്രളയ ദുരിതാശ്വാസ പ്രവർത്തനങ്ങളുടെ ഭാഗമായി ആയുർവേദ ഔഷധക്കിറ്റുകൾ വിതരണം ചെയ്തു. പ്രളയം രൂക്ഷമായി ബാധിച്ച വാർഡുകളിലെ 1200 വീടുകളിലാണ് ഡോക്ടർമാരുടെ സംഘം നേരിട്ടെത്തി കിറ്റുകൾ നൽകിയത്. 100 ആയുർവേദ ഡോക്ടർമാരുടെ 20 സ്ക്വാഡുകളാണ് യജ്ഞത്തിൽ പങ്കെടുത്തത്. ഭാരതീയ ചികിത്സ വകുപ്പും ആയുർവേദ മെഡിക്കൽ അസോസിയേഷനും ജില്ലയിൽ സംയുക്തമായി നടപ്പാക്കുന്ന രോഗ പ്രതിരോധ പ്രവർത്തനങ്ങളുടെ ഭാഗമായാണ് കിറ്റ് വിതരണം. നഗരസഭ അധ്യക്ഷൻ കെ.ആർ. ജൈത്രൻ ഉദ്ഘാടനം ചെയ്തു. സി.സി. വിപിൻ ചന്ദ്രൻ, ഡോ. നേത്രദാസ്, ഡോ.സിരി സൂരജ്, ഡോ.വി.സി. ദീപ്, ഡോ. സായൂജ് പോൾ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.