ചേർപ്പ്: പഴുവിൽ പ്രദേശത്തെ കിടപ്പ് രോഗികൾക്ക് പഴുവിൽ സൗഹാർദ കലാ സംസ്കാരിക വേദി പ്രവർത്തകർ റമദാൻ അരിക്കിറ്റ് നൽകി. പ്രസിഡൻറ് ഉമർ പഴുവിൽ കിറ്റുകൾ കൈമാറി. ടി.ഒ. ദേവസി, പഴുവിൽ ഗോപിനാഥ്, ബാബു തറയിൽ, എ.പി. വർഗീസ്, അബ്ദുൽ റഹിമാൻ പഴുവിൽ എന്നിവർ നേതൃത്വം നൽകി. പൊതുകിണർ നവീകരിച്ചു തൃപ്രയാർ: ശ്രീവിലാസം സ്കൂളിന് സമീപം ഉപയോഗശൂന്യമായി കിടന്നിരുന്ന പൊതുകിണർ സൗഹൃദയ പുരുഷ സ്വയം സഹായ സംഘത്തിെൻറ നേതൃത്വത്തിൽ നവീകരിച്ചു. ബ്ലോക്ക് പഞ്ചായത്ത്, നാട്ടിക ഗ്രാമ പഞ്ചായത്ത് എന്നിവയുടെ സാമ്പത്തിക സഹായവും ലഭ്യമാക്കിയാണ് അരലക്ഷം ചെലവിട്ട് കിണർ ഉപയുക്തമാക്കിയത്. ബ്ലോക്ക് പഞ്ചായത്ത് പ്രസിഡൻറ് ഡോ. എം.ആർ. സുഭാഷിണി, നാട്ടിക പഞ്ചായത്ത് പ്രസിഡൻറ് പി. വിനു എന്നിവർ ചേർന്ന് ഉദ്ഘാടനം നിർവഹിച്ചു. പുരുഷ സംഘം പ്രസിഡൻറ് സി.ആർ. സജീവ് അധ്യക്ഷത വഹിച്ചു. കെ.വി. പവിത്രൻ, സി. ശങ്കരനാരായണൻ, വി.കെ. ബഷീർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.