ആമ്പല്ലൂര്: കുത്തക തോട്ടം കമ്പനികള് കൈയടക്കിയ ഭൂമി സര്ക്കാര് പിടിച്ചെടുക്കണമെന്നാവശ്യപ്പെട്ട് ഭൂസമര സമിതി നടത്തിയ ഭൂസമര മാര്ച്ച് പാലപ്പിള്ളിയില് സമാപിച്ചു. സി.പി.ഐ-എം.എല് റെഡ്സ്റ്റാര് സംസ്ഥാന സെക്രട്ടറി എം.കെ. ദാസന് സമാപന യോഗം ഉദ്ഘാടനം ചെയ്തു. സമരസമിതി ചെയര്മാന് കെ. ശിവരാമന് അധ്യക്ഷത വഹിച്ചു. ടാറ്റ, ഹാരിസണ് തോട്ടം കമ്പനികള് കൈയടക്കിയ അഞ്ചേകാല് ലക്ഷം ഏക്കര് ഭൂമി പിടിച്ചെടുത്ത് തോട്ടം തൊഴിലാളികള്ക്കും ദലിത് ആദിവാസി വിഭാഗങ്ങള്ക്കും ഭൂരഹിതര്ക്കും നല്കണമെന്നാവശ്യപ്പെട്ട് സമര സമിതി കോഒാഡിനേറ്റര് എം.പി. കുഞ്ഞിക്കണാരന് നയിച്ച മാര്ച്ച് വയനാട്ടുനിന്നാണ് ആരംഭിച്ചത്. കണ്വീനര് ജയന് കോനിക്കര, രാജേഷ് അപ്പാട്ട്, പി. മാത്യു, ടി.കെ. മുകുന്ദന്, പി.ജെ. മോന്സി, കെ.വി. പുരുഷോത്തമന് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.