ഫാഷിസത്തിന് എതിരായ വിശാല വേദിക്ക് മുഖ്യധാര കമ്യൂണിസ്റ്റ് പാർട്ടികൾ മുൻകൈയെടുക്കണം -സി.എം.പി തൃശൂർ: മതാധിഷ്ഠിത രാഷ്ട്ര നിര്മാണത്തിനും ഫാഷിസ്റ്റ്വത്കരണത്തിനും എതിരായ ഇടതു ജനാധിപത്യ സഖ്യം അനിവാര്യമായ ദേശീയ സാഹചര്യത്തില് സമാന ചിന്താഗതിയുള്ള പാര്ട്ടികളേയും സംഘടനകളേയും യോജിപ്പിച്ച് പ്രവര്ത്തനം ആവിഷ്കരിക്കാൻ മുഖ്യധാര കമ്യൂണിസ്റ്റ് പാര്ട്ടികള് മുന്കൈ എടുക്കണമെന്ന് സി.എം.പി ജനറല് സെക്രട്ടറി എം.കെ. കണ്ണന് പറഞ്ഞു. തൃശൂരിൽ സി.എം.പി ഒമ്പതാം പാര്ട്ടി കോണ്ഗ്രസ് ഉദ്ഘാടനം ചെയ്യുകയായിരുന്നു അദ്ദേഹം. മുതിര്ന്ന പി.ബി അംഗം പാട്യം രാജന് പതാക ഉയര്ത്തി. എം.എച്ച്. ഷാരിയാർ രക്തസാക്ഷി പ്രമേയവും പി. വിജയകുമാര് അനുശോചന പ്രമേയവും അവതരിപ്പിച്ചു. പാട്യം രാജന്, എം.എച്ച്. ഷാരിയാര്, എ.എം. രമേശന്, വികാസ് ചക്രപാണി എന്നിവരാണ് പ്രസീഡിയം. സെക്രട്ടറി എം.എച്ച് ഷാരിയാര് സംഘടന റിപ്പോര്ട്ട് അവതരിപ്പിച്ചു. പാട്യം രാജന് ഭരണഘടന ഭേദഗതി അവതരിപ്പിച്ചു. പൊളിറ്റ് ബ്യൂറോവിനു പകരം പാർട്ടിക്ക് ഇനി സെക്രേട്ടറിയറ്റാണ് ഉണ്ടാവുക. 320 പ്രതിനിധികൾ സമ്മേളനത്തില് പങ്കെടുത്തു. രാഷ്ട്രീയ പ്രമേയത്തിനും സംഘടന റിപ്പോര്ട്ടിനും ശേഷം അതാത് ജില്ല സെക്രട്ടറിമാരുടെ നേതൃത്വത്തില് ഗ്രൂപ്പ് ചര്ച്ച നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.