അന്തിക്കാട്: കാഞ്ഞാണി ബസ് സ്റ്റാൻഡിൽനിന്ന് നാലരക്കിലോ കഞ്ചാവുമായി തമിഴ്നാട് സ്വദേശിയായ യുവാവിനെ എക്സൈസ് സംഘം പിടികൂടി. കമ്പം തേനി ചിന്നമണ്ണൂർ ആർ.കെ.റൈസ്മിൽ സ് ട്രീറ്റിൽ മുരുകനെയാണ് (37) അന്തിക്കാട് എക്സൈസ് ഇൻസ്പെക്ടർ ഓമനക്കുട്ടെൻറ നേതൃത്വത്തിലുള്ള എക്സൈസ് സംഘം അറസ്റ്റ് ചെയ്തത്. വ്യാഴാഴ്ച വൈകീട്ട് ആറരയോടെ ബസ് സ്റ്റാൻഡിന് പടിഞ്ഞാറ് ബാങ്കിന് സമീപം സംശയാസ്പദമായി നിൽക്കുന്നത് കണ്ട് എക്സൈസ് സംഘം യുവാവിെൻറ സമീപം എത്തി. രക്ഷപ്പെടാനുള്ള ശ്രമത്തിൽ യുവാവിെൻറ കൈവശമുണ്ടായിരുന്ന ബാഗ് വാങ്ങി തുറന്നു നോക്കിയപ്പോഴാണ് കഞ്ചാവ് കണ്ടത്. തമിഴ്നാട്ടിൽ നിന്നാണ് ഇയാൾ കഞ്ചാവ് കൊണ്ടുവന്ന് തൃശൂർ ജില്ലയിലെ ആവശ്യക്കാർക്ക് എത്തിച്ചിരുന്നത്. കുന്നംകുളത്ത് ഇയാൾക്കെതിരെ കേസുണ്ട്. ചെറുകിടവിൽപനക്കാരെ കണ്ടെത്താനായി മുരുകനെ ചോദ്യം ചെയ്തു. പ്രിവൻറിവ് ഓഫിസർമാരായ രാമചന്ദ്രൻ, സിവിൽ ഓഫിസർമാരായ ഹരിദാസ് ജോഷി, റിജു, അനീഷ് എന്നിവരും പിടികൂടിയ സംഘത്തിൽ ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.