കയ്പ്പമംഗലം: പെരിഞ്ഞനം ജാമിഅഃ മഹ്മൂദിയ 30ാം വാർഷിക സമ്മേളനം നാളെയും മറ്റന്നാളുമായി നടക്കുമെന്ന് ഭാരവാഹികൾ അറിയിച്ചു. നാെള സിയാറത്തോടെ ആരംഭിക്കുന്ന പരിപാടിയിൽ വൈകീട്ട് 6.30 ന് ഡോ. മുഹമ്മദ് ഫാറൂഖ് നഈമി മുഖ്യപ്രഭാഷണം നടത്തും. 25 ആത്മീയ സംഗമം, പഠന ക്ലാസ്, പൂർവ വിദ്യാർഥി സംഗമം, സ്ഥാന വസ്ത്ര വിതരണം, ഉലമ കോൺഫറൻസ് എന്നിവ നടക്കും. വൈകീട്ട് ഏഴിന് പൊതുസമ്മേളനം പൊന്മള അബ്ദുൽ ഖാദർ മുസ്ലിയാർ ഉദ്ഘാടനം ചെയ്യും. കൃഷി മന്ത്രി വി.എസ്. സുനിൽ കുമാർ മുഖ്യാതിഥിയാകും. തുടർന്ന് നടക്കുന്ന പരിപാടിയിൽ കാന്തപുരം വിഭാഗം സമസ്ത പ്രസിഡൻറ് ഇ.സുലൈമാൻ മുസ്ലിയാർ സനദ് ദാനവും, കാന്തപുരം എ.പി. അബൂബക്കർ മുസ്ലിയാർ സനദ് ദാന പ്രഭാഷണവും നടത്തും. ഇബ്രാഹിം ഖലീൽ ബുഖാരി അനുഗ്രഹ പ്രഭാഷണം നടത്തുമെന്ന് എസ്.കെ.ആറ്റക്കോയ തങ്ങൾ, ഉമ്മർ ഹാജി, നസ്രുദ്ദീൻ ദാരിമി, ടി.എ.അബ്ദുറഷീദ് എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.