ദുരിതബാധിതർക്ക് ആശ്വാസവുമായി എൻജിനീയറിങ് വിദ്യാർഥികൾ കരൂപ്പടന്ന: ദുരിതബാധിതർക്ക് ആശ്വാസവുമായി വള്ളിവട്ടം യൂനിവേഴ്സൽ എൻജിനീയറിങ് കോളജിലെ എൻ.എസ്.എസ് യൂനിറ്റ്. തീരദേശത്തെ ദുരിതാശ്വാസ ക്യാമ്പുകളിൽ കഴിയുന്ന എസ്.എൻ പുരം, പെരിഞ്ഞനം പഞ്ചായത്തുകളിലെ അറുപതോളം വീട്ടുകാർക്ക് വിദ്യാർഥികൾ ഭക്ഷ്യധാന്യ കിറ്റ് നൽകി. പെരിഞ്ഞനത്ത് ഗ്രാമപഞ്ചായത്ത് വൈസ് പ്രസിഡൻറ് സായിദ മുത്തുക്കോയ തങ്ങൾ വിതരണോദ്ഘാടനം നിർവഹിച്ചു. എൻ.എസ്.എസ് പ്രോഗ്രാം ഓഫിസർ ടി.എസ്. സനൽകുമാർ അധ്യക്ഷത വഹിച്ചു. വികസന സ്റ്റാൻഡിങ് കമ്മിറ്റി ചെയർമാൻ പി.വി. സതീശൻ, വാർഡംഗം ടി.പി. അജയൻ, പ്രോഗ്രാം ഓഫിസർമാരായ വി.പി. പ്രഭാശങ്കർ, ചെൽസി ജോയ്, വളൻറിയർ സെക്രട്ടറിമാരായ സി.എ. അനസ്, നൗറീൻ, കെ.എ. മുഹമ്മദ് ഹസീബ്, കെ. രമ്യ എന്നിവർ സംസാരിച്ചു. എൻ.എസ്.എസ് വിദ്യാർഥികൾ 70,000 രൂപ വിലമതിക്കുന്ന ഭക്ഷ്യ-ധാന്യങ്ങൾ ആണ് വിതരണം ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.