മാള: കെ. കരുണാകരൻ റോഡിലെ വെള്ളക്കെട്ട് ഒഴിവാക്കണമെന്നാവശ്യപ്പെട്ട് പെൺഷനർമാർ സമരത്തിന് ഒരുങ്ങുന്നു. ജില്ല പഞ്ചായത്തിെൻറ ഉടമസ്ഥതയിലുള്ള റോഡാണിത്. മാള സബ് ട്രഷറിയിലേക്ക് പോകുന്ന വഴിയുടെ മുൻവശത്താണ് വെള്ളക്കെട്ട്. ഈ വെള്ളക്കെട്ടിലൂടെ കടന്നു വേണം ട്രഷറിയിലേക്കെത്താൻ. ദിവസവും ട്രഷറിയിലെത്തുന്ന നൂറുകണക്കിന് പെൺഷനർമാരാണ് ദുരിതത്തിലായത്. ട്രഷറിയിലേക്ക് വരുന്നവർ ചളിവെള്ളത്തിൽ ചവിട്ടിവേണം കടന്നുപോകാൻ. റോഡിെൻറ ഇരുവശങ്ങളിലും കാനയില്ല. പരാതി നൽകിയെങ്കിലും പരിഹരിക്കാൻ നടപടി സ്വീകരിച്ചിട്ടില്ല. ഈ റോഡ് പൊതുമരാമത്ത് ഏറ്റെടുക്കണമെന്നാണ് നാട്ടുകാരുടെ ആവശ്യം. സൗജന്യ ചികിത്സ ക്യാമ്പ് മാള: മദീന മസ്ജിദ് വട്ടക്കോട്ട സ്റ്റഡി സർക്കിളിെൻറ ആഭിമുഖ്യത്തിൽ മാള - പൊയ്യ ഗവ. ഹോമിയോ ആശുപത്രികളുടെ സഹകരണത്തോടെ സൗജന്യചികിത്സ ക്യാമ്പ് നടത്തും. ആഗസ്്റ്റ് അഞ്ചിന് രാവിലെ എട്ടിന്് വി.ആർ. സുനിൽ കുമാർ എം.എൽ.എ ഉദ്ഘാടനം ചെയ്യും. ഐ.എസ്.ടി ചെയർമാൻ ടി.എ. മുഹമ്മദ് മൗലവി അധ്യക്ഷത വഹിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.