വടക്കാഞ്ചേരി: ട്രെയിൻ യാത്രക്കിടെ കോളജ് വിദ്യാർഥിക്ക് പുറത്തുനിന്ന് കല്ലേറേറ്റു. മേൽചുണ്ടിൽ ആഴത്തിൽ മുറിവേറ്റതിനെത്തുടർന്ന് ജില്ല ആശുപത്രിയിൽ ചികിത്സ തേടി. പുതുപതിയാരം സ്വദേശി അശ്വിനാണ് പരിക്കേറ്റത്. എറണാകുളം-പാലക്കാട് പാസഞ്ചർ ട്രെയിൻ യാത്രക്കിടെ വെളപ്പായ - അത്താണി മേൽപാലങ്ങൾ കടന്നുപോകുന്നതിനിടെയാണ് പുറത്തുനിന്ന് കല്ലേറ് വന്നത്. ജനലിനരികിലെ സീറ്റിൽ പത്രം വായിക്കുന്നതിനിടെ കല്ല് വന്ന് മുഖത്തടിക്കുകയായിരുന്നു. മൂക്കിന് താഴെ മേൽചുണ്ടിൽ ആഴത്തിൽ മുറിവുണ്ടായി. അശ്വിനെ വടക്കാഞ്ചേരി ജില്ല ആശുപത്രിയിലെത്തിച്ച് ആറ് തുന്നൽ ഇട്ടു. അങ്കമാലി ഐ.സി.എം.എസ് കോളജ് വിദ്യാർഥിയാണ്. ആശുപത്രിയിലെ ചികിത്സയ്ക്ക് ശേഷം യുവാവ് മടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.