പുല്ലൂറ്റ് സ്കൂളിലെ ക്ലാസ് മുറികൾ ഹൈടെക് ആക്കും -മന്ത്രി കൊടുങ്ങല്ലൂർ: എട്ട് മാസത്തിനകം പുല്ലൂറ്റ് ഹയർ സെക്കൻഡറി സ്കൂളിലെ 13 ക്ലാസ് മുറികളും ഹൈടെക് നിലവാരത്തിലാക്കുമെന്ന് മന്ത്രി പ്രഫ. സി. രവീന്ദ്രനാഥ് പറഞ്ഞു. സ്കൂളിലെ പുതിയ കെട്ടിടം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ 522 സ്കൂളുകൾ ഹൈടെക് നിലവാരത്തിലേക്ക് ഉയർത്താൻ സർക്കാർ ഭരണാനുമതി നൽകിയതായി അദ്ദേഹം പറഞ്ഞു. വി.ആർ. സുനിൽകുമാർ എം.എൽ.എ അധ്യക്ഷത വഹിച്ചു. വിദ്യാർഥികൾക്കായി നിർമിച്ച ബസ് കാത്തുനിൽപ്പ് കേന്ദ്രം നഗരസഭ അധ്യക്ഷൻ സി.സി. വിപിൻ ചന്ദ്രൻ ഉദ്ഘാടനം ചെയ്തു. നഗരസഭ ഉപാധ്യക്ഷ ഷീല രാജ്കമൽ, പ്രിൻസിപ്പൽ കെ.കെ. സാഹിദ, സി.കെ. രാമനാഥൻ, പി.എൻ. രാമദാസ്, വി.ജി. ഉണ്ണികൃഷ്ണൻ, എ.സി. കവിത തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.