തൃശൂർ: പതിനൊന്ന് മുതൽ തിരുവനന്തപുരത്ത് സംഘടിപ്പിക്കുന്ന ഭിന്നശേഷിയുള്ളവരുടെ സാൻറോഫെസ്റ്റും യൂനിഫെഡ് മാർച്ചും സ്പെഷൽ അത്ലറ്റിക് മീറ്റിനും (ഏകത 2018) മുന്നോടിയായുള്ള ദീപശിഖ പ്രയാണം ജില്ലയിലെത്തി. കോർപറേഷന് മുന്നിൽ സ്പോർട്സ് കൗൺസിൽ ഭാരവാഹികൾ, കോർപറേഷൻ കൗൺസിലർമാർ, കായിക താരങ്ങൾ, ജില്ലയിലെ 20 സ്പെഷൽ സ്കൂൾ, ബഡ്സ് സ്കൂൾ എന്നിവിടങ്ങളിലെ പ്രതിനിധികൾ ചേർന്ന് സ്വീകരിച്ചു. സ്പോർട്സ് കൗൺസിൽ പ്രസിഡൻറ് വിൻസെൻറ് കാട്ടൂക്കാരൻ, കൗൺസിലർമാരായ പി. സുകുമാരൻ, എം.കെ. മുകുന്ദൻ, സ്പോർട്സ് കൗൺസിൽ സെക്രട്ടറി സുരേഷ്, ഒളിമ്പ്യൻ ലിഡോ ഡേവിഡ് തോട്ടാൻ, കോഓഡിനേറ്റർ പി.ജെ. തോമസ്, സ്പെഷൽ ഒളിമ്പിക്സ് കോഓഡിനേറ്റർ സി. പോൾസി, ശുഹൈബ്, റോബിൻസൺ, ആഷിക് സി. പുഷ്പം എന്നിവർ സംസാരിച്ചു. തിരുവനന്തപുരം കാര്യവട്ടം എൽ.എൻ.സി.പി.ഇ മൈതാനത്താണ് മീറ്റ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.