കൊടുങ്ങല്ലൂർ: അർബുദത്തിനെതിരെ ജാഗ്രതയും അവബോധവും വളർത്തുകയെന്ന ദൗത്യവുമായി മതിലകം ഹെൽത്ത് എയ്ഡ് തയാറാക്കിയ പ്രതിജ്ഞ വിദ്യാർഥികൾ ഏറ്റുചൊല്ലി. ജില്ലയുടെ തീരദേശം കേന്ദ്രീകരിച്ച് പരമാവധി വിദ്യാലയങ്ങളിലും കോളജുകളിലും വിദ്യാർഥികൾ പ്രതിജ്ഞയെടുത്തു. അർബുദ ചികിത്സ വിദഗ്ധൻ ഡോ. വി.പി. ഗംഗാധരെൻറ ശബ്്ദരേഖയും സീഡിയുമാണ് സ്കൂൾ അധികൃതർക്ക് പ്രതിജ്ഞക്കായി നൽകിയത്. സീഡിയുടെ പ്രകാശനം വലപ്പാട് ഗവ. ഹയർസെക്കൻഡറി സ്കൂളിൽ സാഹിത്യ അക്കാദമി മുൻ സെക്രട്ടറി പ്രഫ. പി.വി. കൃഷ്ണൻ നായർ നിർവഹിച്ചു. പ്രധാനാധ്യാപകൻ വി.ബി. മുരളി ഏറ്റുവാങ്ങി. ഗീത ഗോപി എം.എൽ.എ, ഹെൽത്ത് എയ്ഡ് ചെയർമാൻ ടി.എ. പ്രേംദാസ്, സെക്രട്ടറി പി.കെ. നുറുദ്ദീൻ, എൻ.യു. ഹാഷിം തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.