ചാവക്കാട്: ദേശീയ പാതയിൽ എതിരെ വന്ന ബൈക്ക് യാത്രികനെ ഇടിച്ച മിനിലോറി നിയന്ത്രണം വിട്ട് വർക്ക് ഷോപ്പിന് മുന്നിൽ നിർത്തിയിട്ട പെട്ടി ഓട്ടോയിലിടിച്ചു. ഇടിയുടെ ആഘാതത്തിൽ പെട്ടിയോട്ടോക്ക് പിറകിൽ നിർത്തിയിട്ട രണ്ട് കാറുകൾക്കും രണ്ട് ബൈക്കുകൾക്കും കേടുപറ്റി. ദേശീയ പാത നാലാം കല്ല് മദ്റസക്കു വടക്ക് തിങ്കളാഴ്ച ഉച്ചക്ക് ഒന്നോടെയാണ് സംഭവം. പൊന്നാനി ഭാഗത്ത് നിന്ന് ചാവക്കാട് ഭാഗത്തേക്ക് വരികയായിരുന്ന മരുന്നു കയറ്റിയ മിനിലോറിയാണ് നിയന്ത്രണം വിട്ടത്. എതിരെ വന്ന ബൈക്ക് കണ്ട് വലതുഭാഗത്തേക്ക് വെട്ടിച്ചപ്പോഴാണ് നിയന്ത്രണം വിട്ടത്. അപകടത്തിൽ ബൈക്ക് യാത്രികന് നിസ്സാര പരിേക്കറ്റു. അപകടത്തിൽ ഏഴ് വാഹനങ്ങൾക്ക് കേടുപറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.